土下座每年都會同大家講新iPhone嘅資訊，今年當然都唔例外，但關於iPhone 11同11 Pro嘅資料，都係留返俾《am730》其他科技編輯同大家整理，唯一想同大家分享係，為咗突顯新晶片A13嘅運算能力，Apple響會上邀請遊戲公司展示出一隻叫《Pascal’s Wager》嘅全3D遊戲，能夠俾Apple睇中，到底係咩料呢？其實呢隻遊戲早響E3 2018已經曝光，年頭台北遊戲展亦有展出，係由中國一間規模唔大嘅遊戲公司TipsWorks研發，並用Unity 3D引擎製作，走《Dark Souls》同《巫師3》呢類Hardcore動作遊戲風格，目前已知有6個可用角色。Apple自從《Infinity Blade》後，感覺亦好耐冇試過純粹用「畫面」去展示出手機性能強大，可以估計今次CPU的確好強。不過，都唔好覺得用呢隻game做示範，就等於Apple有咩立場，事實上Apple都唔係第一次響大型發布會用中國開發嘅遊戲做demo。點都好，可以代替任天堂幫iPhone造勢嘅遊戲，未出已經先贏到全球注目，希望水準唔會令人失望啦。