新的一年，本欄首次同各位見面，在這裡敬祝讀者新年進步，事事順利。
回到正題，新一年最重要的選舉就快殺到：台灣嘅總統立委選舉。一月一日起，台媒唔可以報道民調，所以外界即使知都好，亦唔敢公開講。但係，邊個贏邊個輸，唔使民調都知。早幾日綠營記者會唔係講English Choi未來幾日點樣拼選舉，而係講有十個五五波選區，同埋不分區議席可能會比預期少兩席，呼籲支持者一定要返屋企投票。撞啱遇著剛剛，綠營支持者開始傳出話，Korean Fish嘅鐵票部隊好似戰車咁衝緊上嚟，隱形藍票全部歸位，希望綠營選民要準時當時返屋企投票，講到形勢相當緊張。無他嘅，兩者都係催票之方式，都係想炒熱個選情，確保本月十一日，支持者全部歸隊而已。
台灣下周舉行大選。
難怪Korean Fish周身唔得閒啦，因為English Choi贏一票都係贏，贏二百萬票都係贏，阿姐冇心情同你Korean Fish玩纏鬥，而且Fish太太近日據聞因為Korean Fish有位疑似小三嘅事情，搞到心情唔暢快，去完澳洲返屋企，都冇同Korean Fish出席活動，而另一邊又有周刊爆Korean Fish曾經同嗰位小三出國幾次。老實：選一次高雄，呢位小三個名字曾經出現過，後來Korean Fish贏咗選戰就算數。但選總統呢？呢位小姐的名字又出現返，連佢有冇收Korean Fish錢去買樓都爆埋，真係家散人亡咁滯。響寶島參選，真係急風惡浪，隨時輸埋頭家。睇下Fish太太幾時先肯出番嚟助選？
去日本小休幾日，開電視就見到安倍去北方大國同韓國佬開三邊會議。原來安倍又同北方大國講香江事務。日文唔識聽，睇完都唔知咩事，後來上網睇google translate先至知安倍係希望香江嘅一國兩制繼續下去云云。日寇講香江事務？係相當認真㗎，原來次次Abe見北方大國領導，都講香江，因為好多日方公司，當香江係北方大國業務嘅大後勤。仲有香江幫襯咗好多日寇縣市嘅農產品，依家差人周時響油麻地催淚彈放題，邊個敢去果欄買日本生果呀？
北方大國經濟下滑有乜後果？日寇某航空公司靜靜雞取消了一班來往港日之航班。原來唔係香江去日本嗰程唔夠客，而係日本來香江嗰程唔係好得。呢樣嘢，問我地日日燶起塊面，話會虛心聆聽嘅香江一姐，佢實話係因為香江社會動盪，導致人地取消航班。但今年東京奧運在即，實會有更多人去日寇，我估航班點都會多番嘅。點解？嗰邊服務態度係好嘛。今次貪平，我去機場Wificc租蛋，結果隻蛋嘅電池只能夠捱六粒鐘，大佬，響Hello乜land又點樣搵到位叉電呢？返來還蛋好心講句：粒電池唔得噃，得六粒鐘。Sales姐望都冇望我求其答：係咁上下㗎啦。你估我傻嘅咩，我主要靠Cup Sim呀，阿姐。響香江，做樣樣嘢都要有plan b。靠晒wificc？真係家變都有之。