食物及衞生局長陳肇始(中)擔任主禮嘉賓，私隱專員公署副專員黃錦卿(右一)與同事代表領獎。
香港母乳育嬰協會舉辦「2017我最喜愛集乳室選舉」，選出多家有心支持母乳餵哺的企業，當中「最關懷媽媽企業」獎，有9家機構當選，個人資料私隱專員公署成為其中之一。
另外，協會亦設有「最喜愛在職集乳室」獎，Ray喺該會的fb專頁睇過啲集乳室照片，唔單止設備齊全及私隱度高，部分仲有童趣的布置。如果大家記得之前發生男員工偷飲母乳事件的政府部門，真係從中學嘢呀！
得獎之後，私隱專員黃繼兒話，公署支持自然育兒，所以喺舊年開始喺機構內推行母乳餵哺友善工作間，為正在自然育兒的同事提供一個舒適、友善的環境，支持同事喺分娩後回到工作崗位時，繼續以母乳餵哺。