生活在這個日益沉淪的都市，最近不但不沉而還有個所謂的長官提出個「明日大愚」填海大計來，然後又有一班人話倒錢落海無得輸，叫你快快支持。問題又嚟啦，穩贏喎！唔見你班人傾家蕩產咁出錢出力倒錢去填海，無得輸㗎嘛！？
作者─月巴氏 出版─今日出版
每次遇到社會上種荒謬事，我總會想到月巴氏先生的文章，他總能夠在專欄文裡回應一下當種種荒唐謬事，每次讀完都忍唔住笑，心中的鬱悶稍解，然而世情依舊……
月巴氏先生每年都會出版一本書，將舊文結集成書，今年也不例外。不過今年這書《看了》跟以往的稍有不同，文章依然是在報章上發表過的文章，都是關於電影關於香港的文章，寫作手法更見成熟。細讀下去總跟當時的感覺不一樣，也許這都市變得太快，壞得太急，再讀同一篇文有種恍如隔世之感，文中所說不過是一年前左右的事。若然讀者覺得我只係想睇下書，唔好同我講政治乜乜乜，其實本書都無乜講政治，寫電影及日常所見所聞，加上個人對社會觀察的感受，有啲事只能意會不用言傳的。你估樣樣都似「明日大愚」咁賺硬㗎咩？你真係大愚時佢食硬你就有份！(文：甄昊信)