老花還是老眼昏花

舅父：見妳愁眉鎖眼既！

阿珊：係呀！近期經常頭痛……專心唔到做嘢！

舅父：會唔會係流感？

阿珊：應該唔會啦，都成3個月……流感點會搞咁耐！

舅父：通常點樣先會舒服返啲？

阿珊：通常除咗副眼鏡，唞一陣，就會好返啲……

舅父：呵！我知道啦！除咗眼鏡之後好啲……呢啲叫做「老花」！

阿珊：唔係嘛！我都未到四十歲，點會有老花？

舅父：家陣嗰嗰玩手機，機不離手，三十幾歲有老花，有乜咁出奇啫！

阿珊：我唔要呀！我唔會係老花嘅！

舅父：咦！話時話妳副眼鏡污糟咗喎……

阿珊：唔係呀！係嗰層塗層剝落……

舅父：妳副眼鏡用咗幾耐？

阿珊：大約3-4年，疫情前配嘅，就嚟4年！

舅父：咁我肯定妳唔係老花！其實係「老眼昏花」就真！

阿珊：嘩！你越講越大件事！咪嚇我啦！

舅父：妳係副「老眼鏡」令到妳「天昏地暗……眼花花」就真！快啲趁住放假，去配返副新鏡啦！

【EC生活微積Fun】

周朗感謝各位讀者支持，衝過1300日……特意加推《生活微積Fun》，這是在「職場」和「教育」之外，希望為大家增潤一點素材，一齊「微」觀下在「生活」中「積」極的「Fun」(樂趣)。