職場攻心秘笈—同事確診，全隊隔離！

【趙總的飯堂被強檢】

趙總：「呢幾日啲疫情消息真係變化萬千！兩三個鐘唔睇手機……都覺得自己脫咗節！」

碧姐：「喺呀趙總！不過，你可以專注忙返你啲新項目，同埋家人……疫情嘅事，我會睇住，同埋會集中發佈消息俾大家嘅。趙總放心！」

趙總：「有阿碧喺到！我幾時都咁放心㗎啦！我約咗客午飯，出去先！阿碧，喺咪幫我喺老地方訂咗枱，阿鄧帶埋助手出嚟，要3個位喎！」

碧姐：「放心趙總，人數方面冇問題，我預鬆咗，訂咗4位……不過……」

趙總：「阿碧真醒目！不過，妳『不過』啲乜嘢？」

碧姐：「其實自疫情後，我一直預位都會預鬆啲……不過，我今次唔喺訂老地方，只可惜唔記得通知返你……唔好意思！我訂咗隔兩條街樓上嗰間私房菜：1:00 趙生4位。」

趙總：「唔緊要！好近啫！反正我都想上去試吓佢哋馳名嘅『玻璃肉』……我邊行邊打俾阿鄧……喺呢，妳估到我想去私房菜？還是老地方冇位？」

碧姐：「趙總，兩樣都唔喺！你尋日梗喺太忙，我轉貼咗政府1月6號嘅消息：有41個處所被納入強制檢測範圍，老地方就正正榜上有名，所以我即刻揸主意幫你改地方……但喺轉個頭唔記得知會返你，唔好意思！不過，我都幫你check過，你對上一次去老地方嘅日子，喺唔屬於納入範圍，所以你好安全！」

趙總：「唔洗唔好意思！妳跟得咁足！我諗都冇諗過啦……唔該晒妳就真！好呀！我就遲到啦！我出去先……返嚟再講！」

【畢哥喺密切接觸者？】

楚丁短訊：「畢哥，今朝唔見你，喺咪見緊客？周圍都喺疫情……你去地方要小心啲！」

畢哥留言：「就喺因為疫情來勢洶洶，我要盡快跟埋啲手尾……費事到時在家工作時太遴迍 (論盡) ！」

楚丁留言：「你識諗就好啦！你知你瀟灑哥性格，又鍾意吹水！你呢種人最高危！」

畢哥留言：「都唔知妳喺真關心我，定喺乘機搵藉口窒吓我！唉！唔同妳講啦，我阿媽打電話俾我……」

楚丁心想：「唔知邊嗰成日唔想戴口罩？肯戴嘅時候又話冇時間買口罩？又唔想打針？次次話親佢，佢又賴落去阿媽到：『阿媽話唔洗、阿媽話唔好、阿媽話好驚打針，千祈唔准打針……』我就喺驚佢太愚孝，乜都聽晒阿媽話，好似洗咗腦咁！遲早出事！雖然我都錫Aunt，佢份人冇乜嘢，心地好好！性格勁開朗，又貪玩！畢哥就承傳晒Aunt嘅DNA……」

畢哥留言：「楚丁！出咗事啦！阿媽咪成日去跳舞嘅……原來佢去開嗰個場，就喺空姐媽咪去開嗰個……」

楚丁留言：「咁Aunt有冇唔舒服？」

畢哥留言：「雖然冇！但喺……今次大鑊喇！」

楚丁留言：「咩事呀？你講清楚先啦！攪到我都好驚！」

畢哥留言：「若果阿媽喺密切接觸者，咁即是我都喺！若果我都喺，咁即是……」

【全公司都喺密切接觸者？】

楚丁留言：「唔緊要吖！你都冇女朋友！」

畢哥留言：「唔喺講呢啲呀！若果我喺，咁即是妳哋全部同事都喺……」

楚丁留言：「吓！咁大鑊！咁洗唔洗即刻話俾碧姐聽？」

畢哥留言：「都好！妳幫我講……若果唔喺，我自己都冇臉同碧姐講！」

楚丁跟碧姐匯報完後，碧姐好冷靜，默不作聲，返回自己座位，翻閱了幾份文件，之後，在電腦上也翻查了幾個檔案，從容不迫地望著楚丁。

碧姐：「唔緊要！我會直接打俾阿畢，冇乜鑊……不過我見妳跟佢咁好朋友，又係報料人，我都講聲妳聽：『若阿畢要隔離，叫他安心去吧！因為影響唔到大家……』」

楚丁：「碧姐，我唔喺好明！倘若畢哥喺密切接觸者，相信我哋全公司都喺！再者，妳講到：『好似畢哥被隔離，公司冇咩緊張，可有可冇咁？』」

【AB團隊】

碧姐：「楚丁，千祈唔好咁諗！我錫阿畢同埋妳，妳哋知道㗎！妳兩嗰都幫到手，我同公司又點會唔緊張妳哋呢？不過，我想妳諗下：對上一次喺公司見到阿畢喺幾時？」

楚丁：「咁又奇喎！好似好耐咁……應該喺過冬提早放工嗰日，之後，除咗有聖誕、元旦假期……真喺冇喺公司見到佢！啊！因為畢哥同幾位新嚟嘅同事過咗樓上新單位坐，妳仲話俾嗰機會佢過吓經理癮，做『山寨王』咁添！」

碧姐：「無錯啦！其實我同趙總靜雞雞做緊一個實驗，名叫：『AB Team』；意思喺我哋趁著多咗樓上嘅單位，刻意把唔同工種嘅同事，分成2隊；其實阿畢嗰邊叫B Team，我哋原本呢邊叫A Team；期間，基本上文件、檔案大家都習慣喺內聯網取傳，影印機其他支援配套兩邊都有……所以唔經唔覺大家喺兩個單位各自運作緊……」

楚丁：「即是呢嗰喺妳哋嘅計劃？咁唔通妳估到……疫情下一波……？」

碧姐：「大概喺啦！咁又的確冇人能預知未來嘅……！只不過管理層唔想萬一有意外嘅時候，全公司一齊癱瘓，所以我趁著新一年有新系統，咁啱趙總又佔用埋樓上嗰單位，所以我哋開始咗個實驗；之前見咁多大時節，唔想嚇親大家，所以冇公開宣佈啫！」

楚丁：「咁即是：就算畢哥有事，就只有B Team被隔離？我哋A Team可以如常工作！」

碧姐：「冇錯！就喺咁樣！」

楚丁：「嘩！好厲害呀碧姐！」

碧姐：「都喺趙總從出面管理群組學返嚟嘅疫情應變計劃，我幫佢執行咁啫……咦！趙總打俾我，我聽電話先。」