霹咩靂咩南咩洋呀？

最近旺角開咗間賣馬拉菜餐廳叫「霹靂南洋」，霹咩靂咩南咩洋呀？照字面解，即係南洋嘢以霹靂州美食為賣點，名字簡單直接又夠勁。

餐牌菜式分地道小菜同砂煲系列與及數款小吃，對於小店嚟講，其實簡簡單單反而更好，主廚可以專心一致地做好出品。

「霹靂仁當牛腩煲」就是其一，仁當即係咖哩啲fd，以香料、辣椒及椰奶為主，牛腩以煲焗方法令其更入味。汁底味道純厚辣勁亦夠，牛腩煲上面檸檬葉有助提升香味，餐廳主廚Simon非常聰明地加入港式火鍋完素，食完牛腩可以叫碟肥牛打邊爐，再加個大光麵去索汁，一滴不剩。

「怡保芽菜雞」係怡保名菜，嫩滑的雞係配角，記住主角係墊底嘅芽菜，短身粗壯口感爽甜，大滿足！

「老巴剎肉骨茶」當然係馬來西亞風味，即是福建派，顏色較深重藥材香味，湯底加入了當歸、川芎等藥材口味帶甜，食材除了金沙骨還有豬雜、油豆腐、香菜等，傳統可以配白飯，亦可以來個火鍋延續，鴦鴛煲？Why Not Both？

霹靂南洋│旺角彌敦道575號 Ladder Dundas 5樓│ 6971 7738