今夏轉會市場即將關閉，唔少球隊寧願加碼亦要取得心頭好，成中熱話有巴塞出1億英鎊收購利物浦翼鋒古天奴。巴塞先後出價都被紅軍拒絕，但古仔向球隊要求離隊，加上巴塞加碼利誘，而開咧戰作客屈福特亦未有上陣，外界推測呢單轉會成事機會好大。熱刺今夏仍未有任何收購行動，有傳佢地睇中曼聯前鋒馬迪爾，可惜被紅魔一口拒絕。
熱刺今季諗住用捷比亞頂替賣走既基爾獲加，點知佢晌對祖雲達斯友賽受傷，預料缺陣起碼兩星期，球隊為補右閘空缺，有意收購華倫西亞祖奧簡斯路，但呢位葡萄牙後衛盛傳會轉投祖雲達斯，睇嚟熱刺想買入心頭好並非易事。