英超隊歐洲路難行

利物浦喺上半場射門15對0下，喺奧脫福都要痛失2分，可見英超賽事風雲色變，就算畀堅尼形容為「小球會」嘅曼聯，都拒絕向宿敵利記投降；加埋盧頓啱啱贏波，護級形勢更緊湊，成個英超季尾變得更精彩。英超3雄始終最緊要爭英超，餘下7場場場死戰，英超隊大大不利爭季尾歐洲3大盃賽。

歐洲3大盃賽今晚起8強開戰，暫時英超隊全列奪標大熱，歐聯嘅曼城、歐霸嘅利物浦同歐協聯嘅維拉；英超雖強，但近季喺歐洲盃賽未有壟斷霸氣，18/19年利物浦捧歐聯而車仔捧歐霸；再去到上季再有曼城捧歐聯同韋斯咸捧歐協聯。今季形勢大不同，藍月喺英超畀「兩紅」苦纏，喺歐聯又要先撼唞足嘅大賽之王皇馬，又要迪布尼一個救全家？利物浦8強只遇阿特蘭大，但歐霸獎金不高，紅軍不會夫添出擊，就算殺到入決賽有機會遇德甲一哥利華古遜，沙比阿朗素都唔會畀面。維拉心繫爭英超第4，最弊季尾表現跌watt，防守不穩，歐協聯8強遇法甲4哥里爾，呢隊大熱最危。