昨日港台節目《視點31》在Facebook上載了朱庭萱(玻璃朱)及盧覓雪就無綫和ViuTV在綜藝節目的完整討論。兩者分別為了最近大熱的MIRROR及ERROR展開一番議論。
提到藝人有藍黃之分，玻璃朱在節目中表示有很多「藍色」藝人因為表態問題而失去工作，包括自己︰「我唔出名啦，自從撐警之後，我所有KOL job冇晒！就算阿楊(楊明)呀或者其他出嚟撐警嗰啲，冇晒job呀，因為無人唔敢搵我哋呀，因為會被人打壓、被人鬧，鬧啲廣告商，我哋真係冇嘢做。」
盧覓雪聞言表示要為玻璃朱鬧廣告商，又稱「黃嗰啲，你見到好堅實㗎，邊間慘就全村人去排隊，話要去『懲罰』佢，我就諗點解藍營嗰啲人又唔去『懲罰』吓撐藍嗰啲人㗎呢？」玻璃朱辯稱藍營愛和平、低調，「嗰班人淨係想搵食」，並只希望香港和和平平、繁榮。
玻璃朱表示藍營只想搵食，認為未有「懲罰」自己友是因為他們愛和平及低調。
提到MIRROR及ERROR冒起，盧覓雪認為是時機令他們應運而生︰「呢個問題係一直碌落嚟，時機到，佢哋呢班人就應運而生，因為佢哋年輕，可能觀眾會覺得欠咗一班年輕人一個公道，俾返個機會佢。好多觀眾將自己嘅政治取向、各方面嘅缺失投射咗落呢班年輕人度，亦都扣緊佢哋帽子㗎！」盧覓雪又指世代已經不同，觀眾已經不再主力依靠電視機，而所謂的收視統計亦十分過時，並且這些數字只是給廣告商看。
她自爆表態之後，失去很多工作，並指楊明也是同一情況。
主持人重提玻璃朱批MIRROR「呢啲樣行落旺角大把」，她表示自己常到旺角食飯，見到很多類似打扮的男仔，又指自己的樣子在旺角也很多，「其實我本身對MIRROR係一啲反感都冇㗎！我覺得都charm嘅。」只是對傳媒過份吹捧感到反感，也不是眼紅MIRROR。盧覓雪則回應指每個時代都會有吹捧的藝人，「我未出世嘅年代，蕭芳芳同陳寶珠都霸晒嗰啲版面，我啲前輩話畀我聽，當任白紅嘅時候，所有嘢都係任白，呢個世界就係咁，跟紅頂白。」
玻璃朱不時認同盧覓雪的論點。