Am730
【因XX而XX】莊思明坐國泰欲借筆填表 屢遭空姐無視
2020-01-08
news-images

不少人外遊或工幹都愛坐國泰航空,因為其服務及安全紀錄,令國泰獲航空公司評鑑網站AirlineRatings評為全球最安全航空公司第9位。不過,莊思明今日乘搭國泰飛曼谷時,就發生小插曲,令她大為困惑,坦言︰「作為全球其中一間最可信嘅航空公司,發生咁嘅事實在係令我好驚訝!」

事緣她要到曼谷出席好友婚禮,朋友為她購入經濟客位,她表示「機票同酒店都係朋友準備嘅所以我並沒有多加要求,而國泰嘅economy對我嚟講亦係相當舒適,服務一向亦非常專業!」但當她想向空中服務員借筆填入境表時,多次按燈被一名直姐無視,她說︰「點解熄咗但又冇人問我有咩需要嘅? 唔緊要,我再㩒過,點知又係俾人熄咗。之後我㩒第3次,今次我就刻意向後啤睇吓會唔會睇到究竟發生咩事,終於俾我睇到啦,原來有個空姐係我後面熄咗我盞燈然係就擰轉面行開咗!佢係完全冇問過我有咩需要就行開咗,我想叫都叫唔住佢!」

她表示了解到空中服務員工作忙碌,加上經濟客艙比較多人需要提供服務,所以她感到體諒,但當被人一而再而三被忽略,加上目睹該名空姐的行為,就令她覺得事件不是她想像中的簡單。到第4次,終於有另一空姐向她提供協肋,之後她向該名空姐表示想向較高級的空中服務員反映意見,未幾有另一男空中服務員再向她了解詳情及致歉。她寫道︰「佢同我講佢已經同經理講咗件事同埋已經發現咗係邊個,佢問我想點處理。我向佢表示其實我只係想反映件事,希望呢種事情唔會發生喺其他乘客身上。」

她在文中多謝該名空中服務員,留言道︰「如果國泰嘅高層想了解更多關於這次事件嘅詳情,我絕對歡迎你哋同我聯絡!再一次多謝個位男空中服務員同機艙經理嘅幫忙。 Thank you!」其後她上載該班航空的機艙服務員名單,相信她是從事國泰的友人取得,但把所有員工的名字公開,莊思明此舉恐怕有洩露他人私隱之嫌。

news-images
news-images
Ranking
See AllAm730
See AllAm730
See AllAm730
See AllAm730

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多