Am730
林子博赴英國一個月仍未搵到屋 大嘆生活不容易
2021-09-27

林子博太太去年病逝,之後他身兼母職照顧一對仔女。一個月前,子博透露為了遵從亡妻遺願,決定帶一對仔女到英國生活,並以餘生好好栽培他們。轉眼一個月,子博上周分享照片,相中他幫朋友製作月餅及菠蘿包。正當大家都以為他轉行之際,他在社交平台分享YouTube片段,大談自己在英國這一個月的近況。他表示收到不少朋友的關心,並謂︰「實不相暪,嚟咗呢度一個月,小朋友係仲未返學,我仲住緊酒店。」

相關新聞:

林子博完亡妻遺願 偕子女移居英國︰用餘生好好培育他們

news-images
子博表示正在適應英國生活。

子女未能上學

林子博透露正身處曼徹斯特市一間酒店,數日後便會轉到Airbnb。他說︰「初頭諗住搵酒店落腳,揀咗曼城,英國第二大城市,倫敦住唔起,住酒店同時諗住搵租盤,原來呢度嘅業主唔係隨便租單位俾人,要睇你有冇工作證明。就算你交一年租金,呢度業主都未必肯租俾你。」子博續指因為未找到地方租住,沒有住址證明而令小朋友未能上學。

掛念香港美食

子博稱去到英國之後,最不習慣是飲食︰「keep住食漢堡包、沙律、pizza啦,有陣時食到中餐,炒麵炒飯,冇啦,係咁多,所以好掛住香港茶餐廳,好掛住香港豆腐花、粥啦、油炸鬼啦、越南湯河、泰菜,香港真係好多嘢食。」至於其他生活細節也過得ok,車也成功租到了。

news-images
子博稱早前到朋友的店舖幫手,但現階段無意投身做麵包或甜品師傅。

原打算移居加拿大

林子博在片中表示,原本想與小朋友移居加拿大,因為當地比較多朋友,但最後選擇到英國,是因為「唔夠分」︰「技術移民要睇你夠唔夠分,當地電視台請一啲海外嘅人過嚟打工,程序好繁複,要有好多解釋,我理解嘅;加拿大政策喺嗰邊讀書可以移民,可惜我英文程度低,嗰邊讀書要考英文試,我未必得,最終擱置咗,帶咗小朋友嚟呢便讀書。英國嘅教育喺世界都排頭幾位,我覺得未嘗唔係好事。」最後他預告找到新工作,並會在稍後日子再跟大家分享。

更多娛樂新聞:

劉德華開工度60歲生日 拍片送粉絲祝願一切都恢復平靜

林峯重返樂壇無乜聲氣 再孖鄧智偉炮製新歌

Ranking
See AllAm730
See AllAm730
See AllAm730
See AllAm730
Am730
陳詩欣下月嫁人 晒婚照派餅分享喜訊
Am730
Am730
安祖蓮娜孖The Weeknd歎完意菜入豪宅浪漫
Am730

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多