張敬軒憑專輯《The Brightest Darkness》首次奪得「叱咤樂壇至尊唱片大獎」，軒仔著身旁的藝人與製作部廖志華致謝後，聽到大會起歌時，他隨即著audio的同事校低音樂，有感而發說︰「人生第一次拎呢個獎，有冇下次攞呢個獎唔知道，呢幾年發生嘅事好令人意想不到。我多謝呢張唱片參與嘅人之後，要好鄭重多謝香港朋友，我喺呢度發展19年幾，去年係百感交集嘅一年，我對呢個城市有好多愛，亦好多虧欠，好多謝大家一路以嚟用唔同方式支持我，大家批評我好，讚美又好，都係令張敬軒變得更加好，多謝每一位香港朋友。」
軒仔隨即多謝有份參與唱片製作的台前幕後，更特別點名多謝實體賣唱片的舖頭。軒仔致謝完之後，他要獻唱的音樂亦已播完。
相關新聞：