薛家燕早前應團體邀請出席分享會，與現場人士分享人生的高山低谷。家燕姐提到婚後息影，她看準市場於是大搞錄影帶生意，更是第一批港人到馬來西亞經營錄影帶，但沒料到會遭人恐嚇，去到當地更要請6個保鑣傍實。
家燕姐坦言沒料到做生意遇到危險。
她說︰「嗰時我同朋友一齊做錄影帶生意，我攞咗無綫同麗的嘅劇集代理權，個市場好大。當時我唔知個危險，又唔知咁多翻版商，曾經有人嚟到香港拍枱同我講『你嚟到馬來西亞因住！』我真係好驚！」她又提到在當地設立緝拿翻版部門︰「請人返嚟緝拿翻版，嗰個阿頭係警長嘅太太，喺屋企花園洗車時，俾人開兩槍，死咗！」
家燕姐表示離婚後，心大心細下重返無綫拍《真情》，全靠大女支持，同時也非常感激黎小田當時為她爭取到好人工。問到如果時光倒流，想改變甚麼時，她說：「我一生人係好開心嘅，之前有好嘅家庭，有個好嘅星運，3個好撐我、好為我著想嘅仔女，雖然離婚係最唔開心，不過倒返轉嚟講『冇呢個男人又點會有3個仔女呢？』依家要多謝佢！嚟緊希望快啲抱孫，啲女快啲結婚啦！」