無綫早前播出陳豪、李佳芯主演的《愛美麗狂想曲》預告片，更講明將於3月22日晚上9點半播出，其後無綫又刪走播放時間，改為3月22日晚上播出。事後無綫澄清《大步走》會按原定晚上9時半播出，而《愛美麗狂想曲》則於晚上8時半播出。由於李佳芯向來深得網民歡心，看來無綫希望藉李佳芯留住觀眾，於是以此劇迎戰ViuTV的真人騷《最後一屆口罩小姐選舉》。
不過，節目時間「彈出彈入」，無綫未有就此事解釋，而前總經理陳志雲昨日在YouTube頻道，以「TVB 陣腳大亂了！」為題大談今次無綫變陣，指他們今次變陣是因為無綫開始對ViuTV重視。他說︰「有競爭先有進步，咁多年都冇一個競爭對手、假想敵，TVB又點會有動力去改進？只會愈做愈差，我敢斷言將《大步走》搬到8點半播，而《愛美麗狂想曲》就喺9點半，絕對係迎戰《最後一屆口罩小姐選舉》！」
他指無綫的劇集向來是最強的節目品種，於是每次去迎戰對台節目時，都會採用一個雙劍合壁的策略，藉此減少觀眾流出，而安排《愛》劇在9點半，是因為無綫對此劇看高一線，認為《大步走》不夠戰鬧力。他說︰「《大步走》已經播咗一段時間，明顯係希望追開《大步走》嘅觀眾繼續追，令《大走步》成為一個強勁牽頭節目，將觀眾帶去《愛美麗狂想曲》，可以見到TVB真係亂咗陣腳，亦係兵行險著策略。」
陳志雲指無綫開始著緊ViuTV的製作，搞到自亂陣腳。
對於用《愛》劇去迎戰，陳志雲指無綫今次的安排絕對是多此一舉，認為無綫應該以不變應萬變，形容事件似長期病患者去打科興疫苗，弊多於利，風險大於好處。他說︰「對內部同事係一種打擊；對外嚟講，觀眾會覺得係滋擾；對廣告商嚟講，係示弱行為；對ViuTV嚟講，就係增加對方聲浪、氣勢，間接為對方做咗個好大嘅宣傳。」他又指今次或許有人把責任歸咎於曾志偉身上，但其實應理是余詠珊的好拍擋杜之克負責。
《愛美麗狂想曲》又能否為無綫帶來高收視撼ViuTV。