Ad Block Ad Block
娛樂
2021-09-12 17:26:00

魏駿傑離婚諗過自殺 自覺不配滕麗名而分手

分享:
魏駿傑日前接受車淑梅訪問。

魏駿傑日前接受車淑梅訪問。

魏駿傑日前接受港台主持車淑梅訪問,大談他跟前妻張利華及前度滕麗名分手的原因。他指去年是非常難過的一年,因為離婚,加上疫情封關導致一年半零收入,令他萌生自殺念頭,需要看心理醫生,但幸好他與前妻張利華所生的女兒令他重新振作︰「我個女救番我,因當時我想起佢唔可以冇咗我,我將隻脚踏返落嚟。呢件事唔可以畀我個女知,我喺佢面前日日 都好開心,如果佢知會影響佢一世。」

魏駿傑與張利華離婚大受打擊,令他一度萌起自殺念頭。

魏駿傑與張利華離婚大受打擊,令他一度萌起自殺念頭。

女兒反對另覓再娶

魏駿傑自言不是一個好老公,但是一個110分的爸爸,他說︰「我哋都開心過,離婚係因為人會變,我變得太離譜,淨係掛住湊女而忽略咗佢?就當係啦!大家好落台,我係一個好悶嘅老公。」他表示曾有意再找另一個,但因為女兒反對而打消念頭,他亦因為囡囡的關係而不捨北上工作。

女兒是魏駿傑的命根。

女兒是魏駿傑的命根。

自覺不配滕麗名

在訪問中他又談到與滕麗名的一段情,二人指拖9年,當時不少人看好他們會修成正果,但最終分手收場。他們因為拍《陀槍師姐》而撻著,魏駿傑表示分不清戲裡還是戲外,「我哋拍拖9年冇結婚打算,我爸爸喪禮佢以未來媳婦嘅身份出席,我好感動。我冇諗過真係結婚,我怕我分唔清係做戲定係真。人家會以為係藉口,我當然係真心愛佢,一定係,否則唔會拍拖八、九年,大家好期待我哋結成一對,但我成日都想做普通人,點解要做金童玉女?佢好紅,一定紅過我,佢越嚟越紅,我就越避,所以我就let go,唔好害咗佢……」他自覺配不起滕麗名,而見到她成為幸福人妻也感到非常開心。

魏駿傑自覺配不起滕麗名,所以分手。

魏駿傑自覺配不起滕麗名,所以分手。

請接受以下私隱政策及免責聲明,以示你同意am730內之私隱政策及免責聲明。了解更多
接受