【網上熱話】已離職輔警開Po 揭警隊風氣
2019-06-20
news-images

一名聲稱於6月13日辭職的前輔警,於網上討論區開post,講述任職期間的所見所聞,更明言「希望你哋唔好再對警察抱有任何期望。」

這位署名「好仔唔會當差」的網民,形容警員是「一班好吃懶做嘅人,平時行咇8個鐘,有7個鐘喺差館蛇竇就係人都知,唔多講,即使有call接,佢哋第一時間唔係諗點樣解決問題,而係諗點樣可以令佢做少啲嘢。」

他又舉出例子,假設發生涉及襲擊的案件,在場警員會「諗辦法嚇到個受害人唔追究,同你講驗傷要等幾耐幾耐,對方如果話番你打佢,就要拉晒返差館再慢慢查,查完都未必夠證據告得入等等,總之會用盡一切方法令你唔想再追究。」毋須開設檔案。

有網民留言,萬一與警員爭論時應如何應對,「好仔唔會當差」表示:「最簡單就係一路拍片,可以嘅話就搵有法律知識嘅人陪伴。」他解釋,因為大部分警員都不熟悉法律,「搵個真係熟(法律)嘅人,佢哋就會怯,金鐘搜身單嘢就係好例子。」他補充因為當時與楊岳橋對質的警員太怯,所以「無啦啦跳掣話人搞佢後面」。

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多