記得上年品嘗過東海集團推出的大閘蟹及小菜套餐，計埋加一四百大元與朋友捧著肚子落樓，那份蟹味加人情味依然在心頭！來到2020年尾，人事全非，套餐依然按時令回歸，一解蟹迷心癮，價格雖比去年略高，但逢星期一至四有七五折，就算原價再加一，計落還是便宜大約六十元(未計茶芥)，有著數！
大閘蟹套餐分為$398二人餐及$1,688四人餐，剛好符合限聚令要求，今年減卻一味蟹粉多士，增加了廚師手工菜式。每人先來兩隻肥美大閘蟹，侍應等你慢慢拆完蟹腳啜完蟹膏，才奉上京滬宋嫂魚羹、鮮味蟹粉小籠包、美極煎大花蝦、濃雞湯千層菜苗及酸辣肉燥手打烏冬；四人餐就額外附加京式片皮鴨半隻及羊城獅子頭四隻，此時已經九分飽，最後來一道薑茶湯圓驅寒滋潤，十分完美！
收費│$398二人餐(兩位起)、$1,688四人餐
逢星期一至四有七五折優惠
另加茶芥及加一服務費
東海薈│尖沙咀北京道1號11樓│2877 2938