Ad Block Ad Block
娛樂
2020-06-01 14:29:00

柴九四奶奶再合體 黎耀祥鄧萃雯整飯盒助基層

分享:

黎耀祥與鄧萃雯多年前在《巾幗梟雄》扮演的柴九與四奶奶令人印象深刻,最近二人再度合作,不過今次不是拍劇而是做義工。他們早前為基層人士製作飯盒,並把飯盒送到有需要人士手上。鄧萃雯透露入行初期,幸好拍戲有免費飯盒,對那時經濟拮據的她,幫了一個大忙,同時她又憶起以往入廚的日子。

她寫道︰「其實我自小學就開始幫家𥚃煮飯,當同學們仍在玩家家酒時,我放學已經幫手去街市買餸了,到中學因嫲嫲的風濕病所以家務都由我一手包辦,一直煮飯到入娛樂圈為止,故此『下廚煮番兩味』居然成了我的童年陰影,從那時起就立下宏志要做職業女性不想煮飯了。」今次活動令鄧萃雯再度下廚,她說︰「雖然煮野食我唔係最拿手,但通過咁微薄嘅力量,呢啲飯盒就帶著無比愛心,我哋做嘅每一個步驟,都將份祝福加係個飯盒,希望能呼籲更多有心人支持,做更多愛心飯盒給有需要嘅朋友,我相信收到飯盒嘅基層朋友會感受到呢份心意」

而祥仔就稱:「其實我都參加過很多不同類型嘅慈善活動,要落廚煮飯再送埋飯盒俾有需要嘅朋友都係第一次,個體驗我覺得好踏實又好實際,飯盒代表一餐溫飽,係呢個疫情時期係十分需要。最重要我地能力可以做到的,對他們的關心可以表達出來,藉著福幼基金會呢個活動,可以讓更多人知道,做善事要群策群力,希望大家多多支持!」

請接受以下私隱政策及免責聲明,以示你同意am730內之私隱政策及免責聲明。了解更多
接受