老公及囝囝飛來探班，非常窩心。
溫碧霞(Irene)早前憑住電影《墮落花》奪《愛爾蘭第8屆絲綢之路國際電影節》的最佳女主角，成為影后。這位出爐影后愈戰愈勇，近日飛到巴黎為法國電影《Happy night》(暫名)拍攝，進軍國際影壇。由於Irene一直忙於拍攝，連購物時間都沒有，幸得老公與囝囝專程來探班，令她大感驚喜。
Irene老公Kenny與囝囝Xavier專程飛到巴黎探班送驚喜，令Irene見到兩父子出現冧到甜入心。Irene透露完成拍攝之後，可以享受幾日家庭樂，之後再繼續留在巴黎工作出席時裝騷。她說︰「Kenny同Xavier特登飛嚟巴黎，我哋啱啱正在拍煞科戲，佢哋出發前兩日至通知我，話飛嚟探班，好開心呀！有小驚喜喇！時間啱啱好，剛好拍完，有幾日休息，可以一齊玩幾日，因為香港停課，Xavier不用返學，飛嚟巴黎都好，呢度好舒服又不用戴口罩，陽光氣溫及空氣都好好。」
衝出香港打入國際市場
Irene表示十分期待這部電影，希望能開拓國際市場，並表示今次與劇組相處十分愉快。她道：「大家教我講法文，學咗好簡單幾句打招呼問好、多謝，呢部戲全部法國演員都係講英文，其中有一位法國演員中文超叻，導演穆斯塔法(Mustafa Ozgun)及部分法國演員都好鍾意中國歷史，覺得中國係一個好特別地方，又好鍾意中國人臉孔。」
Irene期待她首部打入國際的電影。
