容祖兒《Pretty Crazy演唱會》前晚舉行第16場，這晚終於請來張敬軒(軒仔)登場，軒仔台上一番言論，令到她又喊又笑，祖兒稱，為了報答軒仔每晚無條件照顧及付出，將來軒仔如果找不到女朋友，可做代母幫軒仔生B。
觀眾不捨得讓軒仔離開，不停叫encore，軒仔於是就作狀乩童，叫祖兒撳其人中，然後火龍果姐上身，大唱《Pretty Hungry》。
祖兒唱完《特別嘉賓》冇特別介紹軒仔就欺騙觀眾說，「你哋唔好以為每日都有嘉賓，我今日唱一首我好鍾意嘅歌。」然後就唱出《黃色大門》，唱到一半舞台升起，觀眾即起哄歡呼，然後兩人唱罷《櫻花樹下》，祖兒說：「多謝你張敬軒……我諗過對佢最大報答，我諗過㗎。」軒仔：「唔使以身相許啦。」祖兒：「將來你識唔到一個女朋友，我可以做代母，你去泰國捐精啦，哈哈哈……」軒仔笑著回答，「咁我泰國搵得啦……」祖兒叉腰反問：「做咩啫，依家好失禮你咩？我差啲咩？」軒仔一額汗回應：「你啲基因……好好……我覺得呢世珍惜做朋友緣分就夠㗎啦，費事第時我去到你家屋企，叫你媽咪外母好，定Auntie好？有單身男士，真係可以上IG留下言比祖兒。」