吳鎮宇、張孝全、譚耀文、張可頤、陳家樂和導演黃國強等等,昨日出席劉德華監製的原創迷你劇集《香港華爾街》開鏡儀式,吳鎮宇一見記者即投訴,說戲份沒有女演員對手,整齣劇對得最多就是張孝全。
問到眾人飾演的角色,可會像荷李活電影《華爾街狼人》的主角般,一樣豔福無邊,吳鎮宇即抱怨說:「導演安排我嘅角色,都冇女嘅,場口全部同男人演,我成齣劇對得最多就係張孝全,同佢有啲動作戲,好彩唔係愛情動作咋。」談到其兒子吳費曼胖了很多,他直言費曼正在發育,所以有點水腫,但費曼不會減肥,他說:「費曼完全唔介意身形,只要令到大家開心就得。」吳鎮宇又讚兒子好有創意,除了改圖,還會自創一些冷笑話,「有一次我問佢,菩薩用咩紙巾?費曼答我係『Tempo』,笑到我呀。」
譚耀文驚俾「影帝」搶戲
張孝全稱,與鎮宇合作沒有太大壓力,反而很興奮,又說:「有前輩教導我講廣東話。」譚耀文和張可頤特別為劇集客串演出,譚笑說:「同『影帝』吳鎮宇合作好有壓力,一直都驚俾佢搶戲。」張可頤日前被拍到在等待拍攝時脫鞋休息,她解釋:「當時著緊高踭鞋,隻腳太辛苦啦,冇諗過現場記者會影呢啲,睇完相感覺自己有少少失儀。」