Ad Block Ad Block
地產
2023-05-01 12:18:50

樓市熱話|網瘋傳「地產經紀怒X反價業主」影片 狂爆SEED零粗口 獲網民俾Like撐

分享:
網上瘋傳的一段「地產經紀電話怒X反價業主」影片,片中疑為地產經紀的中年男子,疑因不滿業主一再反價,於電話中狂罵,大爆金句。(影片截圖)

網上瘋傳的一段「地產經紀電話怒X反價業主」影片,片中疑為地產經紀的中年男子,疑因不滿業主一再反價,於電話中狂罵,大爆金句。(影片截圖)

近日網上瘋傳一段「地產經紀電話怒X反價業主」的影片,引起網民熱議。影片中疑為地產經紀的中年男子,疑因不滿業主一再反價,於電話中狂罵,當中更不乏火爆金句:「啱啱睇完醫生,115血壓,我爆血管你係咪負責呀?」、「讀書讀咁多有咩用吖!」、「你係人,我都係人嚟呀!」而在整段接近3分鐘的影片中,雖然該男子表現相當火爆、經常嬲到指手畫腳,惟全程沒有一句粗口,獲網民留言俾Like撐「經紀佬」,認為做經紀唔容易、是有血有汗;但亦有網民認為業主有權反價,指該經紀「EQ低」。

上述影片的拍攝地點疑為大埔一間地產公司,影片中的男地產經紀全程以火爆又洪亮的聲線,透過電話與疑似反價的業主對話,責罵該業主一再反價,「好喇,跟住同你搞搞搞搞搞,我又加15萬,加完15萬,好喇OK,你噚日同我老細講話爭2,000(),爭2,000我畀你囉,我想話攞個意頭啫!我等咗你成日,我朝頭早7點鐘落到嚟呢度(舖頭),啱啱睇完醫生,115血壓,我爆血管你係咪負責呀?」

網民留言意見兩極

期間,該地產經紀男子稱:「我哋做agent係咪俾你咁玩呀?」、「我講到依家我都未講粗口呀!」並向疑似反價業主說:「大人嚟㗎,過咗18歲,講嘢負吓責任啦,讀書讀咁多有咩用吖!」之後更激動地稱:「你係人,我都係人嚟呀」、「唔係你一個電話打嚟話唔玩就唔玩遊戲」、「打電話投訴我吖」。

雖然影片充滿火藥味,但該名疑似地產經紀的男子,在片中全程沒有講粗口,有網民留言稱「個agent一句粗口都冇彈出黎()都已經好佩服佢」、「冇粗口,勁,有水準」等等;但亦有網民指「一日未簽臨約,佢反價你都無野()好講」、「業主反價是常識」等。

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受