【即時娛樂】安芭赫德控制慾強 被千億男友狠撇

荷李活女星安芭赫德(Amber Heard)年初同尊尼狄普(Johnny Depp)離婚後，立即搭上身家千億港元嘅Tesla創辦人馬斯克(Elon Musk)，兩人4月喺社交網站認愛，不過唔到半年，就傳出馬斯克無法忍受安芭赫德嘅超強控制慾及自私，決定撇甩安芭赫德。消息人士透露，安芭赫德今年5月開始已喺澳洲黃金海岸拍攝新片《水行俠》，馬斯克做跟得男友，但現時馬斯克先行返去洛杉磯，安芭赫德則留喺澳洲繼續拍戲。