《愛．回家之開心速遞》中扮演「細龍太」的陳偉琪，因為身形豐滿而被人笑是「肥婆」，昨日她上載一張外遊照片，留言指Haters會稱為肥，並謂︰「其實女孩子，點解要那麼在意在你生命中不值得佔有位置的人的意見呢？」希望大家停止欺凌。
同劇的「池美麗」鍾凱琪，因為外形同樣貌常被人在網上欺凌，如早前她與Bonnie爭安仔就惹來舖天蓋地的指罵，當中不乏人身攻擊，搞到她不禁落淚在網上大吐苦水。受到細龍太的啟發，今日她首發泳照，身穿薄身外套的她在窗台跪下回眸，池美麗的身形在陽光下若隱若現。
她說︰「其實呢張相係我喺澳洲去旅行嗰陣時影 。雖然自己好鍾意，不過……考慮咗好耐貼唔貼出來。始終沒有nice body，費事嚇親大家。 不過見到細龍太咁靚嘅相貼出嚟，我都好希望大家stopbullying. 雖然沒有亮麗嘅外表，但每個人也是為自己而活著的。 任何體態都可以擁有屬於自己嘅生活！」 她又指會以細龍太為目標︰「我會以Vicky為目標好好減肥！ps,呢張都好似係我第一張泳衣照貼出嚟！希望唔好嚇親大家，貼出嚟係需要好大嘅勇氣。」