【湯漢斯確診】譚俊彥憂大眾鬆懈︰好多人未病發

陳煒、譚俊彥等今日出席《法證先鋒IV》宣傳活動，並在活動上宣布第12集的7天跨平台總收視達37.1點，平了首集的收視紀錄。收視報捷，問到如何回饋觀眾，煒哥笑說：「唔知㗎！睇吓網民有咩提議，可能叫我捐晒副身家呢！咁我都有底線嘅，正常要求就冇問題。」在旁的譚俊彥希望做一些善事發放正能量，回饋社會，幫助有需要的人。

對於金像影帝湯漢斯在澳洲和太太確診新型冠狀病毒肺炎。煒哥表示演員難以避免要除口罩，可說是避無可避，只能自己小心。譚俊彥擔憂大家開始鬆懈︰「依家係最關鍵嘅時刻，大家習慣咗個模式，開始鬆懈，但其實可能有好多人未發病。」他又呼籲大家最重要都是戴口罩、勤洗手，身體不適就要看醫生。