65歲麥當娜英國開騷 黃偉文激讚：塊面硬得嚟算好靚

現年65歲美國樂壇天后麥當娜（Madonna）今年6月底因嚴重細菌感染一度昏迷入院，更送入ICU治療，原定加拿大、溫哥華、美國、歐洲和墨西哥等演出場次叫停，幸而數天後情況好轉，出院後Madonna亦有透過社交平台向廣大樂迷報平安。Madonna近日在英國開騷，而在英國的黃偉文（Wyman）亦有入場支持，並分享感受。

完騷後，Wyman貼出短片讚口不絕寫道：「1991睇到2023，人生第五次睇Madonna，本來唔想睇，因為上兩次都開始有少少揸流攤 ⋯⋯ 但發夢都估唔到，喺佢65歲嘅今次，最X好睇！個人甚至覺得，係歷代最好睇！」不過為免影響未睇的觀眾，Wyman決定不會劇透。

對於早前Madonna流出的素顏照，被指面容有異，更被英國傳媒報道分析，指她疑進行了「提眉」手術、鼻和嘴唇位置亦疑注射了填充物。鬼馬的Wyman則表示，「醫學美容有高手有低手有手風順有手風唔順，我真心覺得娜姐呢期塊面硬得嚟算好靚」。