Ivy So與AK出席活動。(娛樂組攝)
AK江爗生及蘇雅琳(Ivy So)今日到銅鑼灣出席美容用品活動，二人分享自己的美容心得。AK與Agent L.早前推出的《心死了幾百次》浴室版引來極大迴響，問到今次只是赤裸背部，下次再拍會否推出更大尺度，他說︰「可以轉番個正面俾大家睇，但我覺得最大尺度係無化妝，因為Agent L.問除衫O唔OK，咁喺浴室唔著衫係合理，但當日我係做完嘢又未化妝，又冇整頭，戴住帽又奇怪，咪拎條毛巾。」
問到開騷會否騷肌，他表示如果操到Stanley般大隻，絕對會不穿著衫四圍去。他說︰「演唱會露前臂就有！如果我練到好似Stanley咁，你估我唔會除咩！我平日出街買飯都唔著呀！依家唔係大同細問題，而係我冇呀！」他表示當日Agent L.提議拍攝時，自己二話不說除衫走入廁所，對方的老婆也沒有覺得特別，並謂整個拍攝都只是30分鐘。
提到COLLAR演唱會門票售罄，Ivy So透露會在開騷前出新歌，並希望可以邀到AK一齊跳舞。問到會否加場，Ivy So 希望可以加多一場，多謝fans的支持，現在傾表演內容，但只是初步構思。早前Candy畢業禮，COLLAR拉大隊入場見證她畢業，Ivy So稱因為她們不停在城大拉橫額及嗌口號，當下Candy感到尷尬多一些。
