MIRROR成員Jeremy李駿傑首個SOLO音樂會《網上行夢想系MOOV LIVE JEREMY》定於8月30日(三)假香港會議展覽中心 (Hall 5BC)舉行，大會今日在尖沙咀舉行記者會公布詳情。
Jeremy受訪時表示，今年初收到經理人花姐的短訊通知，以為花姐發錯了訊息，因為他已知隊友柳應廷(Jer)將舉行個人演唱會，後來確認真的自己開solo concert，大感驚訝，「當時我阿媽在隔離，阿媽非常興奮：『終於睇到你個騷』！」Jeremy母親叮囑要預留門票睇show，他笑言，「死都會留一張俾佢！」問到有否開心到喊？他笑言，當時太震驚，不知所措「我只有3首歌開show，即刻諗歌單。因為冇expect過咁快開，所以從沒幻想過自己演唱會係點！」他預告在開show前會再推出兩首新歌。
有少少對唔住粉絲
談到年初已確認開個人演唱會，但要忍口不公布，令Unicorn(Jeremy粉絲)非常心急，為他公開爭取，他坦言，「我知佢哋好心急，好想安慰佢哋，但又唔講得，一跟忍住，直至發布演唱會海報，才可跟大家放心，有少少對唔住粉絲。」每次MIRROR開騷，門票必定炒至天價，Jeremy就大派定心意，「除了換飛，已為MIRO預留門票，希望大家不要幫襯黃牛，因為犯法，炒價對大家來說是很大負擔，而且今次只是第一次，相信仍有機會再睇。」
睇死阿Jer唔除衫
演唱會以「稜鏡」為主題，希望可折射Jeremy不同的面貌，他劇透表示，「大家都睇慣我妖，所以今次會有較man和有型嘅跳唱，還有大家較少見嘅開心跳唱，甚至會有更妖的表演，希望可俾大家睇到。」至於會否騷肌，Jeremy笑言會騷蘋果肌，認真表示操練中，談到隊友阿Jer亦勤力做Gym，他笑言，「如果他(Jer)喺7月除衫(騷肌)，我都可以即刻除，我諗佢應該除唔到，其實我預計佢唔會，所以才大膽咁講。」他表示，已完成《12怪盜》的戲份，除了拍攝團綜，未來兩個月都會主力為個人演唱會作準備。
聽rundown歌曲已眼濕濕
Jeremy已定了演唱會的rundown，由於有佔一半屬跳唱歌曲，如果不用開工，便會去健身和練跑半小時，同時會調節飲食，多吃雞肉和清淡食物，他透露已初見成效，體重由初入行時60公斤，增加至70公斤，距離目標相差5公斤，他笑言，「花姐都話橫咗少少冇咁薄。」此外，他亦會選唱自己喜歡歌手的歌，包括不同語言的歌，「預告我一定會喊，因為聽rundown的歌曲都睇濕濕，想像當刻的畫面應該會令自己流眼淚，希望唔好喊，因為會影響唱歌。」
