王灝兒(JW)早前推出新歌《納斯卡線》，這是她首次跟Wyman同Howie合作，能夠與他們合作，JW坦言非常開心︰「其實一直以來我都好想找Howie作首歌比我，我同佢講佢即刻應承咗，其實上年四月Howie已經交咗首歌比我，之後我同監製Randy講，我好想好想搵Wyman幫忙填詞，因為我從來都未試過有一首Wyman填詞嘅歌，我真係好想好想擁有一首佢幫我填詞嘅歌，好感謝Randy 令到我夢想成真。」
Wyman將暗戀的故事比喻納斯卡線， JW在MV中飾演一個暗戀身邊好友兼工作伙伴的女仔，但由於這個男仔只當她是他的工作好拍檔，一路都不知道看不清，當他將步伐走遠少少的時候，先感受到原來這個對他無微不至的好朋友的情意。
今次MV導演亦是與JW合作無間的Heison， 「佢由《矛盾一生》開始已經幫我拍過好多MV，大家好有默契。湊巧他找來的MV男主角是我以前報讀彭秀慧戲劇班的同學，導演安排了一場嗌交戲給我們，大家又好像回到上堂對戲的時候一樣，感覺好正好開心。」
