Lokman、Alton及Dee合資新舖「泰鳩」今日開張。 （林俊源攝）
MIRROR隊長Lokman（楊樂文）與隊友Alton（王智德）及ERROR的Dee（何啟華）合資進軍飲食界，新舖「泰鳩」今日(26日)開張，三位老闆齊齊現身，獲圈中好友KB、梁祖堯及粉絲們到場支持。
三人透露，合共投資7位數字，Dee表示：「希望半年至1年後可以開設分店。」他笑言為免搶生意，不會請ERROR兄弟，笑指他們一定會唱衰餐廳。Alton透露：「最緊要大家食得開心，成功就有第二間。」3子表示，期望每區可開一間，而開業前已有試食及微調，為開業前做足準備。Lokman坦言女友有為其新店試食，他說：「女友一定撐，我哋最大眾化味道。」談到MIRROR隊友會否到場幫襯，Lokman笑言都想請隊友，但恐怕大家太忙，加上由落車位行到餐廳要步行一段路，恐怕比較難安排。
Lokman、Alton及Dee合榮升老闆攻飲食界。 （林俊源攝）
MIRROR籌辦演唱會
三人開設的食店「泰鳩」位於旺角彌敦道的譽發廣場，身為MIRROR隊長的Lokman，被問到有關成員將舉行個人演唱會的消息，他表示MIRROR的確有成員會開騷，因為有些成員已推出不少歌曲，也是時候開個唱，但問到是3位還是4位，他就表示不清楚。對於MIRROR是否於本年內開演唱會，他表示會開，但未確定是否今年，被問到會否趕在9月14日退票限期前公布，Alton就表示都想盡快落實。對於MIRROR演唱會門票換個人演唱會門票的安排，他就笑言「12個換一個唔抵」。
以「鳩」傳承民間的愛
三位老闆在開張儀式中，解構店名「泰鳩」由來，曾有野史記載一個泰國東南部某鄉村傳說，當時當地傳來一個怪病，令小朋友不斷เกา(泰文: เกา即抓癢，音: Kau)，之後有一位廚師經過，推崇美食食療，以驚為天人嘅廚藝為當地嘅村民帶嚟美食同時辟除怪病，當時嗰位廚師被村民追捧係神靈化身，其中海南雞最令人食過返尋味，更有小朋友創下一口氣食咗九隻雞嘅紀錄，繼而升官發財，野史稱為九鳥食神。經過多年之後呢個傳說嚟到我哋香港，我哋取其形、取其聲，用廣東字-”鳩”去傳承呢一份民間嘅愛。