Ad Block Ad Block
娛樂
2022-12-22 23:54:55

MIRROR演唱會意外|阿Mo父親李盛林牧師哽咽剖白︰唔通我哋個仔就係咁

分享:
李盛林牧師首次剖白自己的心路歷程,每提到阿Mo時都眼泛淚光。

李盛林牧師首次剖白自己的心路歷程,每提到阿Mo時都眼泛淚光。

MIRROR演唱會意外中嚴重受傷的舞蹈員李啟言(Mo)仍然留醫,阿Mo的父親李盛林牧師日前在佈道會中首度開腔,談及自己對阿Mo出事後的心情。他預先錄製片段,在片中提起阿Mo時多次哽咽,坦言很難過及感到沮喪。

一個基本動作都要人幫

李盛林牧師表示,3個月前在加拿大得知阿Mo出事後大感震驚,沒想過表演舞台上會發生如此嚴重事情,作為父母很難面對。他說︰「睇返一秒前、一秒後,我哋個仔都係好唔同,事實背後係有好多傷痛、眼淚。特別係好幾次,企喺病床側跟,就諗返起好活潑嘅……一個仔,但竟然間一個姿勢嘅轉換係需要別人幫助,我哋覺得係好自然,好正常嘅舉動,或者係一啲自己好基本嘅照顧,但竟然都係要人幫。」

Ad Block

為阿Mo的情況在廁所嚎哭

李盛林牧師坦言,聽到醫生分析出來的數據,與太太大感到沮喪,「唔通我哋個仔就係咁?」他亦曾在洗手間因為見到兒子的情況而嚎哭︰「我記得好幾次,我自己一個人喺洗手間嚎哭,呢個嚎哭,係因為見到個仔嘅情況,好心痛。」他表示今次阿Mo的意外,令他想了很多問題,包括重新考慮自己的信仰。他坦言作為一個父親,很想知道整件事的真相,同時也很感謝信仰給予家人支持和盼望。

每一關都影響阿Mo生命

李盛林牧師表示,這幾個月來,神已在阿Mo身上行神蹟︰「有咩理由咁大創傷,喺死門關嗰度,能夠咁快離開到ICU,同脫離呼吸機,呢度都要好感謝醫護悉心照顧,有唔少比我個仔輕啲(症狀情況),佢哋仍然喺ICU。」他指每過一關,對他及太太都是一個挑戰和難關,而每一關的情況都是一線之差︰「一關似乎有進步喇,但一個進步,又要面對另一個難關,甚至係有機會導致佢成個生命無咗。」

李盛林牧師對阿Mo的情況感到難過,坦言自己在廁所嚎哭出來。

李盛林牧師對阿Mo的情況感到難過,坦言自己在廁所嚎哭出來。

阿Mo為身邊人哭出來

李盛林牧師表示除了見面的日子,他與太太每日都會錄製一條短片,內容包括聖經及生活。他提到有一次到專為傷殘人士及老人家而返的科技博覽,希望可以找到新的科技幫助阿Mo,他與太太拍片並傳給阿Mo看,而阿Mo看過影片之後哭了出來。他說︰「佢見到後就喊咗,佢喊嘅原因係,因為佢諗唔到爸爸媽媽係為佢做好多嘢、諗唔到哥哥、姐姐、阿嫂同女朋友,係可以為佢做好多嘢。所以見到佢咁,都不期然喊出來。」

在MIRROR演唱會受傷的阿Mo仍要長時間接受治療。

在MIRROR演唱會受傷的阿Mo仍要長時間接受治療。

請接受以下私隱政策及免責聲明,以示你同意am730內之私隱政策及免責聲明。了解更多
接受