MIRROR出席《ViuTV 2026節目巡禮》。(吳康琦攝)
姜濤日前宣布將於12月18至21日舉行個人演唱會，昨日有姜糖(姜濤粉絲)在社交平台「沒實力就不要追星」標題發文，因在外地留學不能負擔買演唱會門票回港睇show，向來寵粉的姜濤貼體留言：「我請你來唄！」姜濤今日(27日)與MIRROR隊友出席《ViuTV 2026節目巡禮》，12子於活動結束後接受訪問，姜濤解釋：「純粹係緣份， 因為開Threads見到第一個po，心血來潮就咁做，可能有啲fans覺得會唔會大家都有，我覺得我又未係好有錢，請晒咁多人嚟，都係盡綿薄之力幫助咁有緣份嘅細路女，真係開心。」他表示該名姜糖已聯絡她，並已作跟進安排，至於明年是否有計劃在英國開show，姜濤回應道，「純粹講出年，明年可能有許多嘢發生。」
Tiger溫提唔方便解釋
對於有提議舉行姜糖專場，姜濤就表示，「睇緣份，有咪試吓。」姜濤個唱昨日(26日)已發布宣傳Teaser，先以水凝結冰的方式呈現「LAVA」英文字，繼而猛火來襲，猶如經歷火煉洗禮。問到個唱主題概念時，姜濤驚爆「冰火二重天」，續問到，「OK唔OK？我覺得導演設計得幾好！」Stanley、Lokman、AK、Edan等聞言不禁低頭，忍俊不禁，姜濤大感莫名其妙，「仲咩？點解要笑？有咩問題？幾勁！」站在他身旁的Tiger忍不住溫提：「返入去我同你解釋，呢到人多唔係好方便。」姜濤一臉黑人問號，繼而眾人爆笑，他拋下一句：「總之冰火二重天，我唔理。」繼而將咪遞給AK，場面勁搞笑。
