丘梓謙在《愛‧回家之開心速遞》有開騷的情節，現實他亦現身在演唱會上。
丘梓謙在《愛．回家之開心速遞》扮演人氣歌手「蔥頭」，7月份播的一集提到他開演唱會，更找來周嘉洛扮演「子珊」做嘉賓。日前他在社交平台貼出一張海報，以「蔥頭」造型的他將於10月擔任內地歌手梁山山的演唱會嘉賓。海報一出，不少人以為他以「蔥頭」之名開騷，更紛紛留言問「子珊」是不是做表演嘉賓。
丘梓謙將於10月為梁山山的個唱擔任嘉賓，但海報的設計令網民誤以為他開演唱會。
有意涉獵歌唱範圍
丘梓謙向本報表示屆時會獻唱流行曲，他坦承真的有意向歌手身份進發。他說︰「我本身係有學唱歌，都想做跳唱歌手好似王嘉爾咁，同埋我之前都有教跳舞，好想利用呢樣嘢去唔同範疇涉獵下。」
他指今次為梁山山擔任表演嘉賓，成為他首次用歌手身份去踏台板，「今次真係第一次踏台版，呢段時間不斷練歌，又睇番好多原唱歌手表演嘅時候係點。其實之前上台都係跳舞多，喺無綫都有兩次上台表演機會，即係Super Tiger新年嗰次，同埋跟袁偉豪一齊演出嗰次，但係兩次都係，一人一句，唱完自己個句之後專心跳舞。」
梁山山在廣州有「小張學友」之稱 。
咩歌都想試下
他稱今次收到邀請是非常開心又期待，「我跟山山之前係一個澳門活動見過面，但真正認識係透過內地一啲主辦朋友。我知佢之前有嚟參加《福祿壽訓練學院》，同留意佢啲作品。」他坦言今次是一個很好的機會，但今次就會以慢歌為主，「以前跳舞比賽成日上台，今次就唱慢歌，係一個新挑戰，都想嘗試下唱慢歌，情歌，咩類型都想試下！」
翻看丘梓謙的社交平台，他不時分享跳舞片段，網上亦有不少他十年前公開跳舞的影片，最近一次公開跳舞便是去年底在西九龍中心，當時他的演出獲不少掌聲，想不到他是舞林高手。
