Ad Block Ad Block
娛樂
2023-04-19 17:45:00

中年好聲音|「二家姐」李思林爆喊自揭離婚導火線︰前夫同老爺呃我錢

分享:

因為係天后李玟嘅二家姐,參加《中年好聲音》嘅李思林(Nancy)亦因此被稱呼做「二家姐」。Nancy為胞妹李玟出任經理人多年,工作繁忙令佢即使同新相識男士出街,都要行開講一陣電話,不斷錯過姻緣。

不過,Nancy喺四十過後成為新娘,起初以為德國籍老公同其他金融才俊有所不同,識得理解文化差異又夠sporty。但係Nancy認為自己將對方唔好嘅一面帶出嚟,畢竟前夫本身生活背景簡單,嚟到香港五光十色,加上有個明星親戚,更加紙醉金迷。前夫變得更追求享樂。

前夫呃錢決定離婚

而婚後Nancy遇到醫療事故令佢痛不欲生,但係前夫成日飲醉酒,需要照顧嘅就變成照顧者。至於真正導火線就係前夫藉詞搞生意,夾埋老豆呃Nancy錢,令佢決定離婚。

經歷婚變、醫療事故,Nancy情緒跌落谷底,有2年時間要睇心理醫生,難怪佢都對婚姻都係感嘆「早知唔結」。但亦因為咁,自細熱愛幕前演出嘅Nancy決定參加《中年好聲音》,因為難得有自己鍾意做嘅事可以試。

原文刊登於 Yahoo 娛樂圈

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受