原來吳大強同譚詠麟是「波友」。
《中年好聲音》星期日播嘅一集繼續以譚詠麟金曲賽決出最後12強，較少唱廣東歌嘅熱門參賽者之一吳大強，以《情憑誰來定錯對》成功出線。演唱後，吳大強（Bill哥哥）自爆同譚詠麟當年「踢過波」。原來佢哋都曾經係流浪足球隊隊員，吳大強係青年軍，譚校長係預備組，兩個人碰面講波經之餘，仲講埋TVB總經理曾志偉「壞話」。Bill哥哥憶述曾經同獎門人落場比賽，大爆曾「好茅」，試過俾佢剷波剷中！譚校長都話試過俾志偉踢到。
希望一齊踢波
吳大強對於今次可以向譚詠麟演唱兼且一齊合照十分滿意，仲話如果可以一齊踢場波，哪怕只係踢10分鐘都心滿意足。至於譚校長作為評審，亦對Bill哥哥讚不絕口，認為佢夠從容同享受舞台，講笑話Bill哥哥出場嗰下揮手，十足教宗出巡，仲立即企起身模仿！
譚詠麟模仿吳大強揮手動作。
原文刊登於 Yahoo 娛樂圈