28歲前華姐冠軍余思霆（Stitch）與朱敏瀚因拍攝TVB劇集《好日子》撻著，自2019年5月公開戀情後愛得高調，余思霆更於自家YouTube頻道《思家霆園》分享二人生活影片。余思霆之後被委派到台灣拍旅遊節目，惟受疫情影響，原定3個月行程變成逗留咗兩年，疑因聚少離多而與朱敏瀚情變，於去年7月宣布和平分手，結束3年情。
疑真空上陣拍美照
余思霆一向唔吝嗇33C驕人上圍及長腿，經常曬出三點式照，朱敏瀚曾於余思霆IG照片中留言：「天氣冷，要添衣囉！」，言語中散發陣陣酸味。回復單身嘅余思霆日前福利升級，於IG分享一張身穿黑色大露背連身裙嘅照片，更疑似真空上陣，網民紛紛留言大讚性感：「我究竟睇緊係風景定背景」、「太美了」、「性感女神」、「哇，完美」、「思霆世一」、「白滑嘅背脊很性感呢」等等，又有網民要求想睇埋前面。余思霆又於IG分享廣告花絮照，可見已經重新投入工作，不過已回到香港嘅佢已經有3個月冇出YouTube片。
原文刊登於 Yahoo娛樂LOL，am730獲授權轉載
