《全民造星V》首集播出海外選秀的片段，眾人做街坊頻頻食檸檬。
ViuTV選秀真人騷《全民造星V》今日(15日)播出第一集，除了有花姐、陳健安、Jay Fung馮允謙、陳蕾和韋羅莎面試及開會的片段，當中眾人有不少金句，當然還不少得騎呢參賽者的片段令大家笑爆肚。
Lokman+AK憂心忡忡
首集亦播出MIRROR的Lokman及AK，以及ERROR的肥仔與何啟華(Dee)到海外選秀片段，他們在街上尋找有潛質的參賽者時有不少搞笑片段。身為過來人的Lokman及AK表示，自己也是參加這個節目而出道，「我哋會明白佢哋堅持緊咩，佢哋嘅熱血係咩一回事。」AK對參賽者Nelson有不少意見，並謂︰「佢努力好多年，有一定技藝，我唔可以話佢唔好，我驚有嘢搞砸佢，令觀眾唔鍾意佢，佢好難翻身都唔知係幫佢定害佢。」AK坦言自己與Lokman沒資格定人生死。看得出他們選人才時，會額外考慮更多東西。
肥仔稱大馬參加面試的每個人唱歌不俗，但只能選比較突出的人，直言很多時難以選擇。阿Dee則說︰「當日係人哋俾機會我，依家係我俾機會人，好似有啲可能性，又好似可以上到台喎，真係好複雜，應該點表達好呢？」
花姐︰最差一屆
在節目中播出99位參賽者學跳舞的片段，大會指今次很多參賽者都不會跳舞，所以在訓練時出現不少困難。片段見到大部份參賽者都出現手腳不協調情況，令網民笑言他們似是「白卡佬」。由於大部份人士的樣子看上去比較騎呢，加上跳舞表現非常差，令花姐直言今屆是最差的一屆。不少人找來MIRROR參賽時的片段截圖，笑言當年的Jer、Anson Lo是非常「薯仔」，如今成功變成星味十足的「明星」。
