張寶華將與Ben Sir直播大講愛情觀。
前新聞主播張寶華(Sharon)勇闖YouTuber界，早前在網上搞直播Talk Show大談情緒病，相當成功，得到網民極大迴響。Sharon再開Part 2「Don’t Judge a Book by its Cover」，更邀請了特別嘉賓Ben Sir歐陽偉豪博士，與網民討論「愛情觀」，趁著白色情人節(3月14日)前夕，希望在人心惶惶的嚴峻疫情中，跟大家一齊談情說愛輕鬆一晚。
張寶華為直播主題做定功課。
最擔心Talk Show超時
Sharon連日做定功課及綵排，她笑言：「依家最擔心今晚個騷超時，愛情實在有太多嘢可以講，有啲網上朋友問我點睇大S離婚3個月閃電再嫁？我覺得大S好浪漫，勇往直前！係就係！唔係就唔好嘥時間。」
還有一事也令Sharon非常苦惱：「已經收到好多好多網民朋友來信，有啲因為唔想曝光見樣，所以預早寫信俾我，其實，好正常的，好多經歷，唔想俾人知身份。收到有好多不同個案，其中有多角戀，你又出軌時，佢又出軌，自己又出軌，幾方面都鬥出軌；亦有用咗好多錢在男人身上，一次又一次被騙，人才兩失，遇上幾個男人都係咁；要揀最精彩及複雜性最高的個案，真係好頭痛。」