軒仔年尾於灣仔會展開show，他說會幾特別。
張敬軒、鄭欣宜及陳蕾等昨日出席Samsung的新型號手機發布活動，軒仔表示，因為新一波疫情來襲，他會在IG推出全新系列靚相，來為香港人解悶。瘦了一個碼的欣宜，就稱因為多人追，所以變瘦。
欣宜稱，已籌備另一首新歌，來感謝歌迷的支持。
軒仔接受訪問時指，因為確診人數破萬，好多工作需要暫停，他出席完這個活動後就會閉關：「疫情令到好多香港人唔開心，所以嚟緊我喺IG會推出新系列，除咗有相之外，仲會有啲我寫嘅心靈雞湯，希望幫到大家解悶。」談到年尾的演唱會，「年底啲期好緊張，好彩都book到場地，會喺灣仔會展搞，有新消息再通知大家。」
陳蕾早前做小手工義賣，善款用來幫助流浪動物慈善機構，她稱希望歌迷也一起做有意義的活動。
欣宜多人追所以變瘦
新歌昨晚首播的欣宜，體態輕盈了不少，她指可能因為早前忙於排舞，又非常勤力做Gym，所以有此效果，並沒有刻意去減磅。問她是否為情消瘦，她笑說：「冇喎，依家好享受俾人追，暫時冇拍拖。(好多人追？)做人最緊要有得揀。」至於有幾多位追求者，欣宜就不肯透露。
