張慧儀請來關寶慧擔任《曬ya馬拉moi》嘉賓，並為對方親自下廚。
由張慧儀、廖子妤主持的香港開電視節目《曬ya馬拉moi》，本周邀請了張慧儀的好閨蜜關寶慧擔任嘉賓，其間二人大談「那些年」的醉酒和拍戲的尷尬瘀事，原來二人早年因合作拍攝電影《變態殺人狂》而結緣，張慧儀說：「同佢(關寶慧)開工，好多蝦碌事，日日笑，一坐埋就笑，都唔知笑咩，嗰次我第一次做女同志，我哋仲要接吻。」關寶慧續說：「係濕吻，我記得拍呢場戲，拍咗好耐都拍唔到，一埋牙我哋又笑，因為要同個好朋友喺度咀喎，笑到個導演都有少少嬲，其實我覺得有啲尷尬，後來就『死就死啦』，快啲拍完佢啦。」兩人可謂咀出閨蜜情。
關寶慧為張慧儀物色男友
張慧儀又大爆跟關寶慧收工一起食飯飲酒的瘀事，張慧儀表示：「有次飲完酒要走，你知我啦，成日都會招惹狂風浪蝶，嗰次有個好英俊嘅外籍人士同我搭訕，冷落咗你(關寶慧)咁。」身旁關寶慧聞言即說：「係啦，都冇人同我搭訕，咁啱我見到有個朋友行過，於是我大叫個朋友『衰人』，嗰個人望住我4、5秒，跟住我仲問佢係咪住呢度，講完一輪，原來係我認錯人，我以為佢係羅君左！」節目尾聲，關寶慧透露，在許可又不尷尬的情況下，我有幫慧儀物色男友，佢咁靚又咁好，冇可能冇拖拍，所以如果我發現身邊有咩蛛絲馬跡，我會介紹俾佢。」
