Ad Block Ad Block
娛樂
2023-03-09 11:29:29

愛.回家|古佩玲新相盡顯玲瓏曲線 網民:點解你唔喺愛回家入面著成咁呢?

分享:

TVB處境劇《愛·回家之開心速遞》劇情輕鬆搞笑又溫馨,深得觀眾喜愛,贏盡口碑和收視。唔少劇中演員憑劇中角色成功入屋,當中包括飾演神婆June申瑞素嘅古佩玲(Kelly)。近日佢喺IG上載盡顯玲瓏曲線嘅靚相,獲網民大讚又靚又fit。

古佩玲不時喺社交網站上載靚相與網民分享,最近佢就上載一輯回到校園嘅相片,相中嘅佢著上白色緊身上衣,配上深藍色褲,露出性感小蠻腰擺出唔同嘅甫士,盡顯驕人上圍及玲瓏曲線,唔少網民大讚佢靚又fit,例如「神婆點解你唔喺愛回家入面著成咁呢?」、「靚到暈」、「Kelly真係好可愛~如果以前返學有Kelly做個同學就開心~」及「kelly好靚又fit」等等。

2019年獲港姐季軍

現年23歲嘅古佩玲,早年隨家人移民加拿大多倫多,並於多倫多大學讀書。2019年參選港姐獲得季軍後入行,不過佢喺參選時新聞多多,更被指係富二代及傳佢爸爸係內地前幹部後從商,不過之後佢話唔清楚爸爸做咩生意,只係知道佢成日周圍飛。入行後發展機會多多嘅Kelly,好快就已經加入《愛·回家之開心速遞》劇組,不過初期都係客串,飾演朱凌凌的大學同學武淺靜,後來成為劇集固定班底,飾演為個性冷酷又迷信嘅神婆June,主要演出熊家及天才聯盟補習社嘅劇情,成功入屋兼獲得觀眾喜愛。另外,佢亦參與其他劇集拍攝,例如《我家無難事》、《雙生陌生人》及待播劇《寵愛Pet Pet》等等。

原文刊登於 Yahoo 娛樂圈

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受