Ad Block Ad Block
娛樂
2023-03-29 17:40:00

成人教科書|玩「性別斷捨離」掉走心愛玩具 洪永城搞喊10歲妹妹 網民:唔尊重小朋友

分享:

TVB新節目《成人教科書》以實驗形式,安排主持人洪永城同23位小朋友透過唔同任務,了解唔同既有理念。第一周主題係「男女」,其中一個環節稱為「性別斷捨離」,即係要家長將其中一位參加者何朗怡(Koey)睡房入面關於性別嘅物件拎走,睇下大人會唔會做到。

粉紅色文具、公主權杖被清走

洪永城同Koey媽媽一齊執走何朗怡房入面嘅玉桂狗毛公仔之外,就連粉紅色嘅文具、公主權杖呢啲切合女仔固有喜好嘅物件都一概清走。而節目組事先同Koey講會清走佢間房嘅「女仔嘢」,起初Koey仲話唔信,又認為節目組呃人。不過講多兩講,Koey似乎眼泛淚光,入到房直情攬住媽咪喊!而最後洪永城同Koey媽媽都認為,Koey唔開心唔係因為拎走同佢性別有關嘅物品,而係將佢心愛嘅嘢拎走先至咁大反應。

唔止洪永城睇見妹妹喊覺得唔舒服,有網友都認為呢個環節唔尊重小朋友,又叫大人將心比己,假如掉晒佢地嘅手錶珠寶,一樣都會接受唔到。

原文刊登於 Yahoo 娛樂圈

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受