曾展望與葉蒨文在節目上配對成功。
由導演火火、吳若希（Jinny ）及曾展望（GM）三位谷主主持的直播節目《奇情谷》，昨晚的節目焦點，主要落在剛參加完戀愛綜藝真人騷《Funki Finance呈獻：女神配對計劃》的GM身上，當他準備匯報《奇情谷》內容時，吳若希已急不及待追問︰「係咪匯報你同葉蒨文（Sophie）嘅進展啫？」GM無力反擊，只無奈說︰「多謝大家支持，其實所有招數都係跟『情場浪子』火哥學，追女仔嚟講『一膽、二力、三功夫』。」
GM亦在IG開post自言受寵若驚，並感謝大家的支持及創意「直情連個仔嘅名都幫我改埋，例如，曾天行(在人生道路上航行 充滿展望與未來) 有心程度係誇張，我已經贏哂大家滿滿的愛 ，好感動」，同時不忘為Sophie減壓，他表示「自己參加得節目就食得咸魚抵得渴，但對女仔嚟講可能會有啲不知所措，好似已經幫佢篤定咗我，我想佢可以放鬆地作出自己開心嘅選擇……」
曾展望IG
有多位網友在留言區指GM跟Sophie早在半年已在荃灣某apartment共築愛巢，對於「同居傳聞」GM否認說︰「我都想係，不過我未有咁嘅福份，多謝大家。」他接受《TVB娛樂新聞台》訪問時，他說︰「我都想！我睇到都覺得開心！大家真係支持我嘅境界係當我哋一齊咗，仲有人話幫我個囝改名。無論我得唔得，都贏咗大家支持。」他更搞笑表示聽到大家指他們已經同居，「我會更加俾心機，到時再同大家講！」
他解釋自己是住荃灣附近，而葉蒨文則是港島區，「佢可能大家太投入，想我哋一齊，今次可以算是自己成就解鎖。」GM直言報名參與節目是一時衝動，「真係突然間，(報名)第二朝係有啲後悔，但我接受唔到佢俾其他男仔追，有互動。我鍾意佢幽默同開朗，搞笑，佢平時都好細心。」他又呼籲大家給予空間，「佢都可能有啲不知所措，有時女仔會縮，唔想俾太多壓力。」
