曾樂彤生日獲同事炮製驚喜。
昨日是曾樂彤的生日，她與同公司的泳兒（Vincy）、艾妮（Elly）及於今年出道、剛推出新歌《跳》的小師弟黎展峯（Andy）到電視台錄製節目，眾人為曾樂彤送上生日驚喜。
他們在服裝間準備蛋糕，為了保密，Vincy更躲在一格更衣室內點蠟燭，並交給Andy由他捧蛋糕。不過，Vincy突然「心虛」，驚壽星女得悉他們的計劃，隨即想定另一計劃，建議用最近大熱的「喊喊filter」拍攝：「陣間用呢個同佢唱生日歌。」隨後大伙兒便走向化妝間，Vincy一馬當先衝進化妝間唱生日歌，曾樂彤當場呆住，「點解我都係中招㗎呢？」又問：「即係其實今日係唔駛嚟拍嘢㗎？」同事回應：「梗係要啦！你唔好諗住切完蛋糕就收工呀。」
曾樂彤盼工作不斷
事後問到曾樂彤為何認為當天不用錄影，她笑說：「第一下真係以為係大家整蠱我要工作其實慶祝生日，但諗真啲又點會唔駛錄影呢！我唔覺得佢哋有異樣，之前都試過同洪卓立、許靖韻係生日開工，佢哋已經好自然，完全冇破綻。」至於今年生日願望，曾樂彤謂希望疫情快點過去，「大家生活可以重回正軌，希望可以不斷咁接戲，仲有出歌、出碟，哈哈。」