林盛斌分享獨門招財大法。
有圈中「吸金王」之稱的林盛斌 (Bob），向來百足咁多爪，除了是金牌司儀主持，亦是時裝店及娛樂製作公司老闆，賺到盤滿缽滿。2022年，他更搬離九龍塘四層獨立屋，再搬到同區更大的豪宅，越撈越掂。早年農夫的C君在節目《大整蠱》中就大爆Bob的收入：「喺嗰一年賺咗2000萬，係真㗎。」不過Bob當時就否認。閑時有研究風水的Bob ，日前就在社交網教大家家居招財大法。
吸金力驚人的Bob 在社交網分享獨門招財大法，他寫道：「雖然我唔係一個風水玄學家，但係如果你係相信『能量』同『氣場』呢樣嘢，我想教大家一個唔錯嘅招財小方法。請大家留意吓自己屋企嗰張飯枱，真係唔好睇小佢，其實佢係你屋企一個好重要嘅位置，亦都可以咁講，餐枱係你嘅財富中心，所以請你時常保持整潔，唔好放啲無謂嘢同雜物上去，最衰最衰嘅就係放埋嗰啲乜單物單喺度，即係嗰啲銀行單、卡數單、電費水費煤氣費嘅單，呢啲真係要全部清走佢！」
Bob 續教大家在餐枱上放五大物品：「另外請你喺餐枱上，擺放以下五個物品：1 新鮮嘅黃色花 2 新鮮嘅水果 3 麵包 4 黑胡椒 5 鹽，呢幾樣嘢我屋企已經擺咗一段時間，我覺得效果係幾正嘅，有啲料嚟嘅，我亦都私底下話咗比幾個朋友仔知道，不約而同地，佢哋都話即刻見到啲效果。想知道點解，可以上去我個Bobtivation詳細了解吓。」 由於方法相對簡單容易，不少網民都表示會一試測試成效。
ADVERTISEMENT
立即更新/下載AM730手機APP 體驗升級功能
