網民不滿商台未有正視艾粒歧視余迪偉事件。
商台DJ梁文禮早前在私人帳戶批評梁詠琪、陳奕迅等歌手，但在公開帳戶就有讚冇彈，被指「雙面人」。商台今日宣布梁文禮因對個別音樂人發出「帶有傷害性之評論」，經雙方「共同檢討」後，暫停梁文禮的主持職務三個月。
不過，網民質疑商台的處理手法，因為商台另一DJ余迪偉早前公開指責艾粒性取向歧視兼職場欺凌，但艾粒至今沒有受到任何處罰。有網民認為商台因艾粒是高層，所以當無事發生。他們到商台的帖文留言︰「艾粒單嘢仲嚴重過佢呢單嘢喎！點解只係懲罰啲細？！」、「艾粒呢，拎性取向嚟玩咁多年，玩到當事人出聲啦，又唔見停職？」、「咁性取向歧視又洗唔洗停職務？」、「職場欺凌嗰啲高層就唔駛停職，喺自己FB講真心話俾人流出就要俾人停職」、「如果903認為自己係『嚴正執法』，就唔該你一視同仁，處理埋艾粒」。
網民不滿商台未有處罰艾粒。
余迪偉曾斥艾粒性取向歧視
早前艾粒開騷，在未經余迪偉同意之下，播出對方浸溫泉的照片，並配有「迪偉同你浸溫泉」字句。余迪偉事後嬲爆發文斥艾粒︰「你哋都玩咗咁多年啦，我都冇出聲咁多年啦，你哋都有頭有面有地位，仲玩？呢張相係我IG嘅，有冇經過我同意上你哋個大台去賺錢呢？呢單嘢係性取向歧視同埋職場欺凌！」他稱身邊有很多朋友都飽受職場欺凌、性別身份認同欺凌，甚至有朋友因不堪壓力自殺，認為自己不但為自己發聲，更要為一眾受到任何歧視的人發聲，「嬲都會完，但係歧視係唔會完」。