阿Bob睇好Sammi拎影后。
鄭秀文(Sammi)主演的電影《流水落花》獲得不俗評價，Sammi更憑該片入圍角逐香港電影金像獎影后。日前林盛斌(Bob)入場支持Sammi的作品，並與對方合照，其後他在網上寫下對Sammi的演繹的評價。
阿Bob表示曾經看過對方在《飛虎精英之人間有情》的演出，電影於92年上映，他覺得對方非常有型，並謂︰「我覺得呢個姐姐有少少索，我有少少鍾意咗佢。」他又指Sammi的作品愈來愈多，覺得她做戲很自然，很舒服。來到今次這部作品《流水落花》，阿Bob指Sammi「再一次改變同敞開自己，無論外型、語氣、肢體語言同一舉一動，完全演活一個骨瘦如柴而充滿經歷嘅滄桑婦人。」加上電影帶出的訊息，令他感受更深。
人生代表作
阿Bob看好Sammi可以憑此片獲得影后殊榮，他說︰「Sammi，我相信呢套戲會係你人生其中一個代表作，恭喜你，遇到一個好嘅劇本，好嘅導演，好嘅對手。今年金像獎最佳女主角，係你，我話嘅。」Sammi回覆表示多謝阿Bob百忙之中抽空支持，阿Bob亦再回覆說︰「真係做得好好，你啲對手亦都非常好，希望你哋呢個作品叫好叫座，有好嘅成績。」
