疫下出新碟 雷有輝籲fans留家買碟聽歌

明天55歲生日雷有輝(Pat)，推出個人專輯《二十才前》，更發布第二首派台歌曲《平行空間》，香港受疫情影響，Pat坦言擔心疫情多於銷量，但呼籲fans應留在家中：「其實依家唔係出街先有得買CD、聽歌，上網都可以買我啲歌嚟聽，不過CD就係限量版嚟嘅，靠上網訂啦，一齊抗疫，希望病毒快啲走啦！」Pat指現在不敢四圍去，最多都是落樓買飯，「以前我就可以周圍飛嘅，呢兩年留喺屋企多咗，多啲家庭樂時間，不過磨擦都多咗，當係了解對方嘅方法。」

生日出巡看銷情

生日在即，Pat未有慶祝大計，可能暗訪CD店睇銷量：「依家都冇晒堂食，都冇得慶祝啦，之前計劃嘅fans聚會都押後埋，最多同囝囝切蛋糕慶祝吓囉！聽日可能會去唱片鋪睇吓銷量，如果見佢一個人買嘅，咪衝出嚟幫佢簽個名，多過兩個人就唔埋去㗎啦！」Pat指新唱片籌備多時，專輯更會推出黑膠唱片、錄音帶版本。