雷有輝原定8月15、16日在西九戲曲中心舉行音樂會，鑑於近日疫情嚴峻，經多方面考量後，主辦方為配合政府現時就公共衞生緊急情況所採取的最新防疫措施，雷有輝宣布該音樂會延後至2020年10月10及11日舉行。
雷有輝表示，押後音樂會是艱難決定，但為顧及樂迷、樂手及工作人員的健康，忍痛宣布押後音樂會，他說：「主辦方都話唔會取消，只係押後呢個騷。其實歌單都準備好晒，我都好心急同大家見面，心情當然係唔開心啦，唔止因為延遲，而係香港受到疫情嘅影響，希望可以快啲完結，咁我地就可以過番正常嘅生活。依家唯有善用時間去修改吓歌單，希望盡善盡美，我應承大家會做得更好回饋比觀眾，亦向受影響嘅觀眾致歉。」